البروفيسور يكتب: إيه اللي بيحصل في لجان قطاع المجلس الأعلى للجامعات ؟!

إيه اللى بيحصل في التعليم في مصر.. كل شوية تغييرات ورؤية جديدة لتوجيه الطلاب للتخصصات العملية وتقليص عدد الطلاب الملتحقين بالكليات النظرية لحد ما هيلغوا نظام الانتساب خالص، وده بعد ما غيروا نظام الثانوية.

وخد عندك حاجة كمان..قريب أوى هيلغوا لجنة قطاع التربية النوعية في التشكيل الجديد للجان القطاعات في المجلس الأعلى للجامعات، يعني واضح كده إننا هنودع كليات التربية النوعية قريب وشكلهم هيغيروا أسمها بعد ما فضلت سنين تطلع جيوش من الخريجين اللى تنقضهم المهارات اللازمة للدخول في سوق العمل، وطبعا البلد مكنتش بتستفيد حاجة منهم بالقدر الكافي.
ولو فكرت شوية هتلاقي إن الموضوع منطقى أوي لأنه بدأ من جامعة حلوان بإلغاء الاختبارات في كلية التربية النوعية، واللي يركز في المشهد دلوقتي يلاقي إن جامعة حلوان بتلعب دلوقتي دور مهم في عملية التغيير والتطوير في نظام التعليم الجامعي المستقر من عشرات السنين بنفس الشكل وفي إرادة دلوقتي للتطوير والتغيير لتخريج طالب، سوق العمل محتاجة في مصر أو بره مصر