فجر شقيق إحدى الطالبات من مستقلي أتوبيس حادث جامعة الجلالة، مفاجأة في واقعة انقلاب الأتوبيس، والسبب الحقيقي وراء الحادث، من خلال شهادة شقيقته عقب شفائها.
حادث جامعة الجلالة
وقال يوسف هيكل شقيق إحدى مصابي حادث طريق الجلالة عبر حسابه الشخصي بموقع التواصل الاجتماعي فيس بوك: الحمد لله بعد أكتر من 22 ساعة رجعنا البيت ودينا – شقيقته الطالبة المصابة – معانا الحمد لله كويسة وبخير نحمد ربنا.
تابع يوسف: علشان أبرئ ذمتي من ربنا فيه ناس بيحاولوا يشيّلوا السواق الموضوع علشان يحافظوا على نفسهم، من خلال كلام أختي السواق كان طبيعي ومكنش ماشي بالسرعة الجنونية اللي بيقولوا عليها، كل اللي حصل إنهم وهم في الطريق شموا ريحة شياط في الباص، ولما حاولوا يقولوا للسواق السواق كان بينكر علشان ميسببش حالة ذعر بينهم.
واصل: ولكن لما السواق حاول يدوس فرامل علشان يعرف يدخل الملف الفرامل فصلت منه، وكان قدامه حل من اتنين، إما مش هيعرف ياخد الملف بسرعة دي ويقع من على الجبل، أو إنه يقلب الأتوبيس على الجنب التاني علشان ميقعوش وده اللي حصل.
اختتم شقيق طالبة جامعة الجلالة المصابة: قبل ما يقلب الباص نده على كل اللي في الباص، وقالهم امسكوا كويس علشان هنقلب الباص على الجنب البعيد عن الجبل، وكان لازم الموضوع ده يتحكي بالتفصيل، لأنها كل ما تحصل حادثة التفاصيل ما بتبقاش كاملة، وخصوصًا بعد خبر إن السواق كان بيتعاطى مخدرات، لكن السواق كان باين في حالة طبيعية.
