مع اقتراب امتحانات الثانوية العامة 2025، ووسط رهبة اللجنة وسباق الدقائق، بيواجه الطلاب تحدّي كبير: “إزاي أوزّع وقتي جوه اللجنة من غير ما أضيع سؤال أو أرجّع الورقة فاضية”؟

طلاب الثانوية العامة 2025

وخلال التقرير التالي يقدك لكم موقع “في الجامعة” دليل مبسّط لإدارة وقتك داخل لجنة الامتحان مهما كان مستوى صعوبة الأسئلة:

قبل ما تبدأ: دقيقتين تركيز

أول ما تستلم ورقة الأسئلة والبابل شيت، اقرا التعليمات كويس جدًا.

خُد دقيقة علشان تمسح التوتر وتتنفّس بعمق.

رتّب استراتيجيتك: تبدأ بالسهل ولا بالأصعب؟ حسب طريقتك.

خطة توزيع الوقت (امتحان مدته ساعتين):

المرحلة الوقت الهدف

قراءة سريعة للأسئلة 5 – 7 دقائق حدد الأسئلة السهلة والصعبة

حل الأسئلة السهلة 45 دقيقة كسب نقاط مضمونة

حل الأسئلة المتوسطة والصعبة 40 دقيقة ركّز وفكّر بهدوء

مراجعة كاملة 20 دقيقة تأكد من نقل الإجابات للبابل شيت بدقة

هامش الطوارئ 5 دقائق لأي تعديل أو مراجعة أخيرة

نصائح ذكية:

ابدأ بسؤال واحد سهل “يكسّر الخوف”.

استخدم الساعة أو المؤقت لتقسيم الامتحان ذهنيًا.

متقعدش كتير قدام سؤال واحد. لو حيرك، علمه وكمّل.

راجع إجاباتك من على ورقة الأسئلة قبل ما تنقلها على البابل شيت.