استدعت مدرسة دولية في القاهرة ولي أمر الطالب بلال وائل صبري (9 سنوات) بسبب سلوك وصفته إدارة المدرسة بعدم الانضباط، حيث كتب الوالد عبر فيس بوك: مدرسه ابنى الانترناشيونال فى القاهره طلبتنى على وجهه السرعه لأمر خطير و مكالمات وايميلات، روحت بجرى خير يا جماعه مالكم ؟؟.
تابع: قالك ابنك بلال سلوكه مش منضبط و حنعمل فيه تقرير لاداره التربيه والتعليم.. طب يا جماعه الخير ماله ؟؟ ضرب حد ب مسدس ولا ايه ده صغير ٩ سنين عمل ايه بس، لقيت المديره بتنده اداريه و مدرسه بريطانيه و اخصائيه اجتماعيه.. طيب قولولى فى ايه ؟؟، قالولى انت ملتحى واكيد بتعمل ضغط على ابنك و بتخوفه، قلتلهم ليه كده هوا بلال قال كده ؟
وفي التفاصيل، كان بلال قد امتنع عن إحضار “لانش بوكس” لسبب بسيط وهو أنه كان صائمًا مثل والده، وعندما سألته معلمته البريطانية عن سبب عدم إحضاره للطعام، أخبرها أنه صائم مثل والده، رغم أنه لم يكن في شهر رمضان، وقد أبدت المعلمة استغرابها، واعتبرت أن تصرفه كان غريبًا لكونه لم يكن في شهر رمضان.
وأضافت المدرسة أن بلال كان يصر على أداء الصلاة في المدرسة، ما دفعهم لاستدعاء ولي أمره. وعندما حضر الوالد إلى المدرسة، تم إبلاغه بأن سلوك ابنه قد يُعتبر “ضغطًا دينيًا”، وطلب منه توضيح ذلك.
وفي رد فعل مفاجئ، أكد الوالد أن ابنه يتصرف فقط بناءً على تقليده له في بعض العادات اليومية مثل الصلاة والصيام، وأنه لم يكن يضغط عليه أو يجبره على أداء هذه الأفعال. وأوضح أنه لم يكن يعلم أن ابنه كان صائمًا، وأنه يتصرف كأي طفل يقلد والده في تصرفاته اليومية.
واصل ولي الأمر قائلا: طلع ده الموضوع اقسم بالله مع ان اخوه حمزه معاه فى نفس المدرسه ومكنش صايم و مشهور بالشقاوه بس اتهمونى انا انى بقهر ابنى وان بلال اللى عنده ٩ سنين متشدد دينيا عشان بيقلد ابوه و بيصلى و يصوم، قائلا:” للعلم معرفش انه صايم اصلا اقسم بالله هوا بيقلدنى فتصرفاتى فقط “.
ولي أمر
اختتم ولي أمر: الكوميديا بقا اروح اقول ل بلال ايه بطل صلى، طبعا خرجته من المدرسه فورا.. متخيلين وصلنا لفين من الهبل والتفاهه ؟؟
فى جيل طالع اظن حيتعب اوى اوى بسبب طريقه تعليمه
