مؤسس “أمهات مصر” ترصد استعدادات وملاحظات أولياء الأمور حول امتحانات شهر مارس

قالت عبير أحمد، مؤسس اتحاد أمهات مصر للنهوض بالتعليم، وائتلاف أولياء الأمور، إن امتحانات شهر مارس للصفوف من الثالث وحتي السادس الابتدائي والأول والثاني الإعدادي والأول والثاني الثانوي، ستنطلق بدلية من ٩ مارس الجاري.

ونشرت مؤسس الاتحاد والائتلاف منشور موجه إلي أولياء أمور الطلاب، علي الصفحة في الفيسبوك، تضمن: “امتحانات الشهر من المفترض ٩ مارس.. هل لكم أي ملاحظات وبتستعدوا لها ولا لا.. خلونا نفيد بعض”، وهو ما تفاعل معه العشرات من أولياء الأمور.

وقالت ولي أمر: “هو بصراحة الميعاد صعب جدا فى رمضان، بس بنحاول نذاكر على قد مانقدر عشان نلحق الأولاد طبعا مش بيساعدونا بس بنحاول معاهم، الصبح مدرسة ودروس وبعد الفطار صلاة ومذاكرة وربنا معانا ويقوينا يارب”.

وأضافت ولي أمر أخري: “صعب اوي الميعاد، خاصة مع الصيام والأطفال اللي بتصوم وهتمتحن، يعني لو يأجل الامتحان لبعد العيد ونمتحن الشهرين مع بعض ونخلص هيكون أفضل”، وتابعت أخري: “صعب جدا لأن اليوم فى رمضان بيجرى بسرعة مبنلحقش نذاكر، ياريت يتأجل أو يتم عمل بحث لأن الطلاب هايتظلموا بجد والمنهج كبير عليهم والصيام وبعد الفطار بنذاكر شوية لكنهم بيكونوا فاصلين ومش قادرين يذاكروا”.

وذكرت ولي أمر: “ستبدأ الامتحانات بإذن الله لاختبار قوة تحصيل الطلاب فى الفترة السابقة، الامتحان مهم جدا لقياس قدراتهم، وجميعنا يعلم منذ بداية العام الدراسي الجديد إن الوقت قصير والمفروض الولاد يتعودوا ينظموا وقتهم، شهر رمضان فرصة جميلة بعد صلاة العشاء يبدأوا مذاكرة ويتسحروا ويناموا ويواصلوا وربنا معاهم، المفروض بعد انتهاء شهر رمضان فاضل شهر والتيرم يخلص، فلازم نفوق التيرم قصير وهينتهى، تنظيم الوقت هو النجاح الحقيقى والتدريب علي الأسئلة بكافة صورها وأشكالها الحل ثم الحل ثم الحل، ومحاولة التدريب علي الأفكار المتنوعة مع الإيمان الكامل إن الله لا يضيع أجر من أحسن عملا، فبسم الله توكلنا على الله ولا حول ولا قوة إلا بالله العلي العظيم ونبدأ صح عشان نكمل صح، وبالتوفيق لكل ولادنا ويارب نشوفهم فى أعلى المناصب”.