لطلاب الثانوية العامة 2025، اللحظة اللي بتخرج فيها من اللجنة بيكون فيها مشاعر كتير: راحة، توتر، قلق من السؤال اللي نسيته، أو حتى حماس للمادة اللي بعدها.

طلاب الثانوية العامة 2025

وخلال هذا التقرير يقدم لكم موقع “في الجامعة دليل مبسط وعملي تعمله بعد كل امتحان:

1- ما تراجعش الامتحان مع أصحابك فورًا!

المقارنة هتخليك تتوتر لو نسيت نقطة أو غلطت في حاجة بسيطة.

لو حصل غلط، خلاص الامتحان اتقفل ومش هيتغير.. فـ ريّح بالك.

2- سجّل بسرعة أي سؤال حاسس إنك جاوبته غلط

مش عشان تندم، لكن عشان متغلطش تاني لو جالك سؤال مشابه في الدور التاني أو في التنسيق.

3- ركّز على المادة الجاية فورًا

حدد: هترتاح قد إيه؟ إمتى تبدأ تذاكر تاني؟ وهتراجع إيه الأول؟

متخليش الامتحان اللي فات يسرق طاقتك للمادة اللي جاية.

4- اتغذى كويس وخد قيلولة

جسمك وعقلك محتاجين راحة حقيقية، خصوصًا بعد الضغط اللي بتحسه بعد اللجنة.

5- تجنّب السوشيال ميديا اللي بتعمل “تحليل” للأسئلة

كتير من الصفحات بتنشر إجابات غير دقيقة أو مسرّبة غلط، فـ أوعى تعتمد عليها.

6- لو حصل ظرف في اللجنة.. سجّله فورًا

لو في غش جماعي، مشكلة في التكييف، أو حصل خطأ في توزيع الورق.. سجّل ده على طول واحتفظ بيه لو احتجت تقدم شكوى.