وجهت عبير أحمد، مؤسس اتحاد أمهات مصر للنهوض بالتعليم وائتلاف أولياء الأمور، حديثها إلى أولياء أمور طلاب المرحلة الابتدائية، الذين يشكون من المناهج.
وقالت عبير، في تصريحات صحفية، إنه لابد أن يراعي المسؤولين بوزارة التربية والتعليم طلاب المرحلة الابتدائية وأولياء أمورهم، لافتة إلى أنها تنقل في هذه السطور تعليقات أولياء الأمور، مناشدة المسؤولين بالوزارة بالنظر إليها ومراعاتها ووضعها بعين الاعتبار.
أولياء أمور يشتكون صعوبة مناهج الابتدائي
وتفاعل عشرات أولياء أمور طلاب المرحلة الابتدائية علي صفحة اتحاد أمهات مصر للنهوض بالتعليم، في الفيسبوك، حيث قالت ولي أمر: “مناهج صعبة وكثيرة وامتحان الشهر علي جزء كبير من المنهج، مش هيلحقو يذكروه وكل أسبوع تقييم وواجبات كتير”.
وأضافت ولي أمر أخرى: “الحساب لسنة ثالثة ابتدائى كارثه، المفروض احنا بنبنى الحساب سنه ورا سنة بالتدريج، بأى منطق طفل ياخد ١٠ جداول الضرب وخصائصهم فى أول أسبوعين فى الترم. والتقييمات استنفزتنا تماما مش ملاحقين نذاكر اللى بيتاخد يا دوبك بنذاكر للتطبيقات بس مع الواجبات طبعا”.
وتابعت: “الدين منهج صعب وعامل النجاح من ٧٠%، فين قصص الأنبياء ومعجزاتهم اللى كنا بنستنى حصة الدين عشان نسمعها، دلوقتى كله دروس فى منتهى الصعوبة وحفظ كم رهيب من الآيات والأحاديث وأسئلة مقالية”.
وذكرت ولي أمر: “أكبر مشكلة إن حجم المناهج كبير جدًا مقارنة بسن الطفل، وبيحتاج وقت ومجهود كبير في المذاكرة. المناهج محتاجة تبسيط أكتر، خصوصًا في المرحلة الابتدائية، عشان الطفل يفهم المعلومة مش يحفظها وخلاص. وكثرة الواجبات بتخلى الطفل مضغوط ومفيش وقت للمذاكرة”.
واستكملت ولي أمر أخرى: “بصراحة بنتي ثالثه ابتدائي ومنهج الرياضة لا يتناسب مع المرحلة العمرية ولا التفكير، بجد صعب جدا المنهج قائم على الاستنتاج، بجد ازاي طفلة تعرف تفكر وتحلل”. وتابعت أخرى: “المناهج من أولي ابتدائي صعبة وكبيره عليهم وكمية معاني ومضاد وجمع ومفرد، غير الدين مطلوب يكملوا الآيات وهما لسه بيتعلموا يقروا ويكتبوا كويس”.
