قالت وزارة الأوقاف خلال فيديو جديد عبر صفحاتها على مواقع التواصل الاجتماعي، ضمن مبادرة “صحح مفاهيمك” بعنوان: “وراء كل طالب بيعافر حد مطمنه”.
واستعرض الفيديو أهمية الدعم النفسي والأسري للطلاب وقت الامتحانات، مؤكدًا أن الخوف الحقيقي مش دايمًا بيكون من صعوبة الامتحان، لكن أحيانًا بيكون من الخوف من الفشل وفقدان الثقة في النفس، وأن كلمة دعم من الأب أو الأم ممكن تصنع فرقًا كبيرًا في حياة الأبناء.
رسالة جديدة من الأوقاف لدعم الطلاب وقت الامتحانات
وأوضح الفيديو: “الامتحان مش دايمًا بيخوف علشان صعوبته، دايمًا اللي بيخوفنا هو الخوف من الفشل”، وظهر في الفيديو بنت بتقول لوالدتها: “أنا تعبت يا ماما.. مش قادرة أكمل”، فردت عليها الأم: “فاكرة أول السنة كنتِ خايفة من أول درس برضه؟”.
وردت البنت: “أنا مش فاهمة حاجة وعندنا امتحان بكرة”، فقالت لها الأم: “اهدي يا نور وتعالي ناكل، وبعدين أشرحلك”.
وسلط الفيديو الضوء على أن البنت دي كان قلبها مليان قلق، لكنها كانت دايمًا بتلاقي أب وأم يساندوها، مش بيدوها درجات لكن بيدوها طمأنينة ويجبروا خاطرها، وكل ما كانت تضعف كانوا يفكروها إنها أهم من أي نتيجة.
واختتم الفيديو برسالة لكل أب وأم: “كلمة إحنا واثقين فيك ممكن تزرع في قلب أولادكم طمأنينة ما تصنعهاش أي مراجعات”.
رابط فيديو المشاهدة
https://www.facebook.com/share/v/1JYasu74EL/
