قالت مريم ناصر مقدمة برنامج “روشتة الماميز”: «الأيام اللي فاتت الكل بيتكلم عن فيروس جديد بيصيب الأطفال في المدارس، بس هل فعلًا في فيروس جديد ولا الإنفلونزا السنادي أشد شوية؟ النهاردة هنعرف الحقيقة من غير تهويل ولا إشاعات».
«روشتة الماميز» يكشف حقيقة وجود فيروس يصيب الأطفال
وأشارت إلى أن وزير الصحة، الدكتور خالد عبدالغفار، قال مؤخرًا: «مفيش فيروس جديد، وأغلب اللي بيتقال على السوشيال ميديا مجرد شائعات ومعلومات غلط بتسبب قلق للأهالي من غير داعي».
وأضافت مريم: «وأشار الوزير أيضًا إلى أن الفيروسات المنتشرة دلوقتي تنفسية موسمية عادية بتحصل كل شتاء، لكن السنة دي أعراضها أقوى شوية، وده طبيعي لأن الفيروس عمل شوية طفرات خلت انتشاره أسرع».
وقالت مريم: «خليني أقولك أعراض الفيروس: بيبدأ برشح بسيط، التهاب وجفاف في الحلق، وحرارة عالية ممكن توصل لـ٤٠، خصوصًا عند الأطفال، وبعد كده بيظهر كحة جامدة شوية، بس كله بيخف تدريجيًا خلال أسبوع».
وأكدت مريم ناصر: «ومهم جدًا للأمهات ميستخدموش مضاد حيوي من نفسهم لأنه مش مفيد في الفيروسات، ويستخدموا خافض حرارة وأدوية للبرد أو الفيروس حسب تعليمات الدكتور، وخلي الطفل يرتاح ويشرب سوائل كتير».
رابط فيديو يكشف حقيقة وجود فيروس يصيب الأطفال
https://www.facebook.com/share/v/1Dg9ftgen3/
