تقدمت عدد من خريجات دفعة 2025 بكلية الدراسات الإنسانية بجامعة الأزهر، ببلاغات إلى قسم شرطة ثان مدينة نصر، من بينها المحضر رقم 5906 إداري، وذلك ضد إحدى زميلاتهن “أدمن جروب الدفعة”، متهمات إياها بالاستيلاء على نحو 288 ألف جنيه، وكانت قد جمعتها منهن بزعم تنظيم حفل التخرج، قبل أن تدعي سرقة المبلغ وتختفي عن الأنظار.
جامعة الأزهر
وأكدت إحدى الطالبات المتضررات، “إحنا دفعة الدراسات الإنسانية، وكان المفروض نعمل حفل التخرج يوم الخميس اللي فات 9 أكتوبر، والبنت دي كانت معانا في الدفعة ومسؤولة عن جمع الفلوس الخاصة بالحفل، لأنها قالت إنها هتتعامل مع شركة التنظيم”.
أزمة بين خريجات الأزهر بعد اختفاء أموال حفل التخرج
وتابعت: “كل البنات حولوا لها المبالغ، والعدد كان حوالي 300 بنت، والمفروض إن المبلغ الإجمالي كان يقرب من 300 ألف جنيه، والشركة كانت طالبة باقي المبلغ أول الأسبوع، علشان تجهز القاعة والحفل، لكن لما كلمناها نحول باقي الفلوس قالت إن المبلغ اتسرق ومرة تقول وقع مني في الميكروباص”.
كلية الدراسات الإنسانية بجامعة الأزهر
وأضافت الطالبة: “سألناها فين إثبات السرقة أو محضر الشرطة، قالت إن والدتها عملت محضر في قسم الأربعين بالسويس، لكن لما راجعنا القسم اكتشفنا إن مفيش أي محضر باسمها، وأكثر من 20 بنت راحوا قسم ثان مدينة نصر، وعملنا محضر بالواقعة، وسلمنا صورة العقد اللي موقعاه بعض البنات مع شركة التنظيم”.
خريجات كلية الدراسات الإنسانية بجامعة الأزهر
وأوضحت أن الواقعة لم تتسبب فقط في ضياع المبلغ المالي وإلغاء الحفل، لكنها تسببت في أزمة نفسية للبعض ومشكلة قانونية لعدد من الطالبات اللاتي وقعن عقودًا رسمية مع شركة التنظيم من ضمن الشروط في حالة الإخلال بدفع مبلغ 150 ألف جنيه، ما يهدد مستقبلهن بالحبس قبل بدء حياتهن العملية، واختتمت: إحنا عايزين حقنا، واللي حصل ده ضيع علينا حلم كنا بنستناه من 4 سنين، ومش مقبول إن زميلة لينا تستغل ثقتنا بالشكل ده”.
