نوران عسكورة
تدَّعي ولية أمر عبر منشور على موقع التواصل الاجتماعي “فيسبوك”، وقوع إهمال على أبنائهم بمدرسة بمصر الجديدة، قائلة: “أولًا حسبنا اللّٰه ونعم الوكيل في أي حد بيدافع وأي أم مش حاسة بنار الأمهات اللي أولادهم متصابين، مدرسة لازم يتاخد معاها إجراء قانوني”.
وأضافت ولية الأمر قائلة: “المدرسة بيحصل فيها بلاوي كتير ومحدش بيتكلم عنها.. الأولاد بيتخانقوا مع بعض ومفيش أي تدخل من الإدارة.. طفلين يتعرضو لحادث بشع قد إيه ومش عايزين يعترفو برضو إن التقصير من عندهم، ولو نسيتو أفكركم من فتره حصل حادث فاضح لطلاب دفعة أميركان ثانوي إن ولد اتنشر ليه صور فاضحة وعارية”.
وتابعت: “أولادنا كلهم شافوها واتشيرت للمدرسين والإدارة قبل الأولاد ومحدش خد إجراء مع الولد دا خالص وخلوه يكمل في المدرسة ومخلينه يكمل تهديد في باقي البنات، ووصل الأمر إن يحصل حادث زي دا ومفيش أي إجراء خدوه مع أي موقف بيحصل فالمدرسه”، معلقة: “إيه يادنيا إيه ياناس هنسكت لحد امتا على المهزلة دي”.
